Quetzalcoatlus

Se Vükiped: sikloped libik
iQuetzalcoatlus
Timäd fösilik: Late Cretaceous

Dadiläd nolavik
Regnum: Animalia
Phylum: Chordata
Classis: Sauropsida
Ordo: Pterosauria
Subordo: Pterodactyloidea
Familia: Azhdarchidae
Genus: Quetzalcoatlus
Lawson, 1975
Species

Q. northropi Lawson, 1975 (bid patedik)
Q. sp. vide Kellner & Langston, 1996

Elaf Quetzalcoatlus (penemöl ma el Quetzalcoatl: snekagod plümilabik elanas Aztec) äbinon pterosaur grupa: Pterodactyloidea, kel älifon in Nolüda-Merop dü fin Kretata (Campanian-Maastrichtian, bü yels 84-65-balions), ä balaf flitafas gretikün timas valik. Äduton lü elafs Azhdarchidae: famül pterosauras nentutik ävolföl.

Tüv e bids[redakönredakön fonäti]

Fösils balid ela Quetzalcoatlus pätüvons in tat Lamerikänik: Täxasän (se Fomam di Javelina in el Big Bend National Park) ün 1971 fa hiel Douglas A. Lawson. Fösils at (labü nüms: TMM 41450-41453) äbinädons me flitäm no lölöfik (pö pterosaurs, föfabrads sa doat 4id äluniköl); dalabaf onik älabon (ma taxet) flitämatenot metas za 12. El Lawson äjafom pro bid nulik at telnemi nulik: Quetzalcoatlus northropi. [1] Bid balid se Täxasän, jünu no penemöl, pänunon ün 1996.[2] Fösil nennemik at (büfiko sevädik as Q. sp.) binon lölöfikum, ka el Q. northropi, keninükamü kranadil, ab binon vemo smalikum (flitämatenot: mets 5,5)[3]

Vönalifav[redakönredakön fonäti]

Dabinons tikamagots difik mödik tefü lifamod ela Quetzalcoatlus. Labü särvigavirebs lunik e maxüls nentutik, ba äfidon gretadilo fitis, äs heroedan, u ba äsökon nimis ya ideadölis, äs storkabid: Marabou. Votans lesagons, das änulüdon oki äs melaböds nutimik. Jinos, das el Quetzalcoatlus äkanon löpikön me flitäms lönik okik, ab poso ba äbleibon ledino flotön in lut. Su glun, el Quetzalcoatlus bo ägolon folfuto.

Flitämatenot gretikün ela Quetzalcoatlus ai nog padöbaton. Fösils gretikün (in Nolavamused di Minnesota) no dälons kludi kleilik, e ba ädutons lü nim labü flitämatenot metas 18m. Ab atos binon ba nemögik sekü miedots semik pö binod flitafas; kodü atos, nolavans anik cedons, das ärivon muo tenoti metas plu 12as. Ab, bü tüv ela Quetzalcoatlus, äkredoy, das els Pteranodon gretikün (labü tenot metas 9) äbinons miedot füsüdik utas, kelos mögon pö flitafas; atosi demölo, tüved säkäda at no klülon.

Kretat, klimat in Täxasän äsümon ad ut marädas e lagunas joliks tropiks, ve mel Kretatik, kel ifulükon zänodi Nolüda-Meropa ettimik. Boms röletafas petuvons in Alberta (Kanadän), in el Dinosaur Provincial Park (Dinosauralegad Provinik).

El Quetzalcoatlus, soäs dinosaurs, ädadeadon finü period: Kretat.

Bomem ela Quetzalcoatlus se Natamused: Senckenberg, in Frankfurt len Main (Deutän).


In kuliv pöpedk[redakönredakön fonäti]

El Quetzalcoatlus pänemon as el Skybax televidasökod: Dinotopia. Äpubon i pö näijenot sökoda: Walking with Dinosaurs (Golön kobü Dinosaurs) labü nem: Death of a Dynasty (Deadam Dünasta).

Literat[redakönredakön fonäti]

  1. Lawson, D. A. 1975. Pterosaur from the Latest Cretaceous of West Texas. Discovery of the Largest Flying Creature. Science, toum: 187, pads: 947-948.
  2. Kellner, A.W.A., and Langston, W. 1996. Cranial remains of Quetzalcoatlus (Pterosauria, Azhdarchidae) from Late Cretaceous sediments of Big Bend National Park, Texas. Journal of Vertebrate Paleontology, toum: 16, pads: 222–231.
  3. Buffetaut, E., Grigorescu, D., and Csiki, Z. 2002. A new giant pterosaur with a robust skull from the latest Cretaceous of Romania. Naturwissenschaften, toum: 89, pads: 180–184.

Yüms plödik[redakönredakön fonäti]

In Deutänapük:

In Linglänapük:

In Tsyegänapük: