Rasmus Malling-Hansen
| |
|---|---|
| Moted: | 5 setul 1835 Lolland[*] |
| Deadam: | 27 setul 1890 København |
| Cal(s): | hipastan[*], hidatuvan[*], hitidan[*], hinolavan[*] |
| Tatät(s): | Regän Danäna[*] |
| Cil(s): | Johanne Agerskov[*] |
| Dispenäd: | |
| |
Hiel Hans Rasmus Malling Johann Hansen (1835 setul 5 - 1890 setul 27) äbinom datuvan, pädan ä dilekan Stitoda Regik Sudamüätikanas in København, in Danän. Ädatuvom penamacini tedo päprodöli balidi vola (el skrivekugle: penamaglöp), äkompenom pö votastitam dugälasita Danänik, ed ävestigom nolaviko glofi cilas. Äbinom i Volapükan zilik: presidan Volapükakluba di Vaalse, in Danän, tradutan ä lautan, kel äkevobom ko gased Danänik: Timapenäd Volapükik plo Dän e Norgän.
Lifajenäd
[redakön • redakön fonäti]El Hans Rasmus Malling Johann Hansen pämotom tü 1835 setul 5 as son balid pö famül julatidana pöfik: Johan Frederik Hansen, e jiela Juliane Hansen (as Matzen pimotöl), in Hunseby, in Danän. Blods tel äsökoms: hiel Thomas Jens Jørgen Hansen (ün 1837) e hiel Johan Frederik Oluf Hansen (ün 1839). Fat ye ädeadom sekü maläd ün 1839 ed älüvom moti e sonis smalik oka.
Literat
[redakön • redakön fonäti]- Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
Yüms plödik
[redakön • redakön fonäti]In Linglänapük ed in Danänapük: