Sappho

Jiel Sappho, fa hiel Gustav Klimt päfomälöl.

Jiel Sappho (Vöna-Grikänapüko: Σαπφώ [sapːʰɔː] ü Ψάπφω [psapːʰɔː]) äbinof jipoedan lürik Vöna-Grikänik, su nisul: Lesbos pämotöl. In vödems poedik e jenotemiks, suvo pamänioton as motedöp ofik zif: Mytilene; votans ye cedons, das pämotof in Eresos: zif votik su nisul: Lesbos. Moted ofik äjenon vü yels 630 e 612 b.K., e pasagos, das ädeadof zao ün 570 b.K. Pluamanum poedotas ofik, kels äsevädons e pästunidons levemo ün vönüp, peperon, ab benorepüt gretik ofa elailifon yufü smalots nog dabinöls.