Sergey Mihailovic Selegen
Hiel Selegen Sergey Mihailovic (u ba: Sergey Mihailovic Selegen, Rusänapüko: ‚Сергей Михайлович Селегень’) äbinom Volapükan Lukrayänik. Älifom tö ‚Trostjanez’ ü ‚Trostyanetz’ (Rusänapüko: ‚Тростянец’) in Lukrayän. Dü lifüp omik Lukrayän äbinon dil lampöräna Rusänik e poso Balatama sovyätarepüblikas sogädimik, klu pämäniotom in bükots Volapükik as Volapükan Rusänik. Ävedom tidan Volapüka nümü 369 (ün mäzul yela: 1887), tidal Volapüka nümü 94 (ün febul yela: 1888), profäsoran Volapüka nümü 132 (ün mäzul yela: 1890), xaman nümü 44 (ün mäzul yela: 1893).
Äblebom fiedik kol Volapük dü lifüp lölik oka. Ün 1932 pämäniotom (as Volapükan in Rusän) in Volapükagased pro Nedänapükans (nüm: 6, pad: 33) as liman Diläda valemik feda Volapükaklubas. Ma nun se el „Volapükagased pro Nedänapükans” (yel: 1947, pad: 12), ideadom zao ün yel: 1947 in ‚Trostyanetz’ ot.
Lautots[redakön • redakön fonäti]
- 1888(?). Lif e vol. Meidling: Rolling e Moessmer.
Literat[redakön • redakön fonäti]
- Haupenthal, Reinhard. 1982. Volapük-Bibliographie. Hildesheim, Zürich, New York: Georg Olms Verlag. (Päpüböl kobü dabükot nulik ela Volapük die Weltsprache ela Schleyer.)
- Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
- Spielmann, Sigmund. 1887. Volapük-Almanach für 1888, verfasst von Sigmund Spielmann. I. Jahrgang. Lekaled volapüka plo yel balmil jöltum jölsejöl, pelautöl fa Spielmann Sigmund. Yelüp balid. Leipzig: Mayer. (Vödem rigädik.)
