Sinopterus

iSinopterus

Timäd fösilik: prim Kretata

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Ordo:	Pterosauria
Subordo:	Pterodactyloidea
Familia:	Tapejaridae
Genus:	Sinopterus Wang and Zhou, 2003

bid

S. dongi (bid patedik)
S. gui Li, Lü, and Zhang, 2003

Elaf Sinopterus (siämü „flitäm Tsyinänik“) äbinon pterosaur famüla: Tapejaridae lurooda: Pterodactyloidea, kel älifon ün prim Kretata (Barremian-Aptian). Fösils onik pätuvons in Fomam di Yixian (Jiufotang) nilü Chaoyang, in provin: Liaoning, in Tsyinän. Bids bal jünu penemons. El Sinopterus binon famik sekü kran proporiko gretik, kel labon honedi tipik (sümik ad ut bödas), kräst bomik lunik, kel primon lä fomaxül geilik e stäänikon ve zänod krana jü pün pödü kran, ed i def tutas.

Bid patedik: S. dongi, pestabon su fösil: IVPP V13363: bomem ti lölöfik labü yoins. Kran fösila at älabon lunoti mö zimmets 17, e flitämatenot pätaxeton mö mets 1,2. Lautans ämoboms, das äbinon valifidaf, ed äküpetoms, das binon pterosaur balid famüla: Tapejaridae plödü Brasilän petuvöl, e bomem binon vönädikün ä lölöfikün famüla at.^[1] Bid telid: S. gui sevädon stabü BPV-077: bomem votik ti lölöfik se fomam ot; difon de bid patedik tefü propors ömik, e labon gretoti mö 60% uta bida patedik. Timü bepenam okik, äbinon pterosaur nentutik smalikün se Fomam di Jiufotang.^[2]

Literat

↑ Wang, X., e Zhou, Z. 2003. A new pterosaur (Pterodactyloidea, Tapejaridae) from the Early Cretaceous Jiufotang Formation of western Liaoning, China and its implications for biostratigraphy. Chinese Science Bulletin, nüm: 48, pads: 16-23. (Naböfodönuam.)
↑ Li, J., Lü, J., e Zhang, B. 2003. A new Lower Cretaceous sinopterid pterosaur from the Western Liaoning, China. Acta Palaeontologica Sinica toum: 42, nüm: 3, pads: 442-447.

Yüms plödik

In Linglänapük:

El Sinopterus dongi lä bevüresodatopäd: The Pterosaur Database.
El Sinopterus gui lä bevüresodatopäd: The Pterosaur Database.
Bomem votik no nog pebepenöl lä bevüresodatopäd: The Pterosaur Database.
El Sinopterus lä bevüresodatopäd: The Pterosauria.
Magods anik ela Sinopterus lä bevüresodatopäd: The Grave Yard.

[WZ03-1] Wang, X., e Zhou, Z. 2003. A new pterosaur (Pterodactyloidea, Tapejaridae) from the Early Cretaceous Jiufotang Formation of western Liaoning, China and its implications for biostratigraphy. Chinese Science Bulletin, nüm: 48, pads: 16-23. (Naböfodönuam.)

[LLZ03-2] Li, J., Lü, J., e Zhang, B. 2003. A new Lower Cretaceous sinopterid pterosaur from the Western Liaoning, China. Acta Palaeontologica Sinica toum: 42, nüm: 3, pads: 442-447.

[1]

[2]