Bespik:Vödem ela Babel

Fonät

Kiöpao eblinol-li vödemi at, o Robert löfik? Kin etradutol-li oni? (Vilob läükön nünis at, tefü fonät vödema.) --Smeira 14:18, 2008 prilul 12id (UTC)

Binon de el "King James version" Diateka. Äsumob oni se:[[1]]

Robert 19:23, 2008 prilul 12id (UTC)

Etradutol oni ol it? Ud esumol i tradutodi? (No äsevob, das ya dabinon tradutodi vödema famik at!) --Smeira 20:04, 2008 prilul 13id (UTC)

Binon tradutod oba. Diatek Nulik petraduton löliko, ab votik no petraduton (kredob). If olifob-la pro yels 200, otradutob reti! Robert 19:15, 2008 prilul 14id (UTC)

:-)... Kopiedob isio tradutami obik prima Biba... --Smeira 22:19, 2008 prilul 14id (UTC)

1. Ün prim God äjafon sülis e tali.
2. Tal ye äbinon nenlifik ä vagik, e dag äbinon sus logod gufura; e lan Goda ämufon sus vatem.
3. God äsagon: Lit binonöd! E lit äbinon.
4. God älogedon liti, ed älogon, das lit gudon; ed äteilon liti de dag.
5. Änemon liti „deli“, e dagi „neiti“; äneitos ed ägödos, del balid.
6. God äsagon i: fimot binonöd zänodü vatem; e teilonöd vatemi löpik de vatem donik.
7. E God ämekon fimoti, äteilon vatemi, kel äbinon dis fimot, de ut, kel äbinon sus fimot. E so äbinos.
8. Ed änemon fomoti „sili“; ed äneitos ed ägödos, del telid.
9. God äsagon täno: Kobikonöd vatem, kel binon dis sil, in top bal; ed pubonöd sägikos. E so äbinos.
10. E God änemon sägikosi „tali“, e kobikami vatema „meli“. E God älogon, das atos gudon.
11. Ed äsagon: Tail prodonöv planis grünik, sidis laiprodölis, e bimis fluköl ma sot okas. E so äbinos.
12. E tail äprodon planis grünik, sidis laiprodölis, e bimis fluköl ma sot okas. E God älogon, das atos gudon. 
13. Ed äneitos ed ägödos, del kilid.
14. God äsagon täno: Stralöls binons in fimod sila, e teilonsöd deli e neit, e jononsöd timi, delis veütik, e yelis;
15. stralonsöd in fimod sila, e litükonsöd teli. E so äbinos.
16. God ämekon stralölis gretik tel: gretikumi, ad cifön deli; e smalikumi, ad cifön neiti; ed ämekon i stelis.
17. Ed äpladon onis ini fimod sila, dat östralons sus tal, 
18. ed öcifons deli e neiti, ed öteilons liti de dag. E God älogon, das atos gudon.
19. Ed äneitos ed ägödos, del folid.
20. God äsagon i: vatem prodonöv nimis lifik, e sus tal binosöd flitölafs in fimod sila.
21. So äjafon God giananimis melik e valafis in vat lifölis ä mufölis, kelis vatem äprodon ma sot omsik, ed i bödis valik, ma sot omsik. E God älogon, das atos gudon.
22. Äbenedon onis, äsagölo: Glofolsöd e mödükumolsöd, e fulükolsöd vati melas; e böds mödükumonsöd sus tal.
23. Ed äneitos ed ägödos, del lulid.
24. God äsagon i: tal prodonöv nimis lifik ma sot omsik, sovadikis, e räptulis, e votafis valik ma sot omsik. E so äbinos.
25. E God ämekon nimis tala ma sot omsik, e sovadikis, e räptulis valik tala ma sot omsik. E God älogon, das atos gudon,
26. ed äsagon: Mekobsös meni bai magod ä süm obsik, e cifonöd  fitis mela, e bödis sila, e nimis tala lölik, e räptulis valik, kels mufons su tal.
27. E God äjafon meni bai magod okik: bai magod Goda äjafon onis, äs man e vom äjafon onis.
28. God äbenedon onis, ed äsagon: Glofolsöd e mödikumolsöd, e fulükolsöd tali, e dareigolsöd oni, e cifolsöd fitis melas, e bödis sila, e nimis valik su tal mufölis.
29. God äsagon: ekö! ägivob oles planis valik sidi prodölis su tal, e bimis sidi sotas oksik labölis, ad pafidön fa ols;
30. e fa nims valik tala, e fa böds valik sila, e fa valafs su tal muföls, ed in kels lan lifik binon, dat ölabons ad fidön. E so äbinos.
31. God älogedon valikosi, keli edunob, e val ägudon. Ed äneitos ed ägödos: del mälid.

Nü eprimol vobi Goda, o Sérgio saludik, mutol fövön ;-) Robert 15:37, 2008 prilul 15id (UTC)