Vödem ela Babel

Se Vükiped: sikloped libik
Jump to navigation Jump to search

Vödem ela Babel binon dil se buk ela Genesis in Diatek Vönädik. Binon vödem, kel pagebon nomo fa mekapükans ad jonülön mekapükis okas. Tradutod isik pätraduton se Diatek linglänapükik elik King James.


B1. E tal lölik ädalabon püki bal e spikamamodi bal.

B2. Ed äjenos, du ätävons lofüdao, das ätuvons pleni in län hiela Shinar, ed äprimons us lödön.

B3. Ed äsagons odes: „Mekobsöd bakastonis e löliko bakobsöd onis." Ed älabons bakastonis plaädü stons, e slimi plaädü zäm.

B4. Ed äsagons: „Pro obs bumobsöd zifi e tümi, sömit kela ba odoaton süli. E nemobsöd obis, preparü mögod, das pobestürülobs zi sürfat tala."

B5. E God ädokömom ad logön zifi e tümi, kelis cils manas ibumons.

B6. E God äsagom: „Ekö, mens pabalätikons, e labons püki bal, e primons dunön ati. Nos, keli ovilons dunön, obinon plödü fägs onas."

B7. „Golobsöd dono ad päridükön püki onas, dat no osuemons spikamamodis odas."

B8. So God äbestürülom onis zi sürfat tala lölik. Ästopons bümön zifi.

B9. Klu tüm panemon Babel bi God us äpäridükom püki tala. Ed usao äbestürülom menis zi sürfat tala lölik.