Filippus Johann Krüger

Se Vükiped: sikloped libik
Filippus Johann Krüger
Moted: 23 tobul 1911
Valtherveen[*]
Deadam: 4 setul 1991, 1992
Amsterdam
Cal(s): hi-Sperantapükan[*]
Tatät(s): Regän Nedäna[*]

Hiel Filippus Johann Krüger (Nedänapüko: [fiˈlɪpɵs joˈɦɑn ˈkryːɣ̊ər]) pämotom ün yel 1911 tö Odoorn (Nedän). Pats dö dugäl oma no pasevons, ab klüliko äbinom man, kel istudom levemo, äsä blöfon lif e duins mödik oma. Äbinom pükavan e mödapükan. Äfünom eli Societas Polyglottica Universalis (Mödapükaklub Valemik) tö Amsterdam. Älabom nitedi vemo jäfediki tefü püks valasotik: vöniks, nulädiks, netiks e bevünetiks, pluamanumiks e nepluamanumiks.

Älärnom Volapüki ün yel 1937 ed ädagetom tidadiplomis kil jü yel 1951. Ün yel ot ävedom kadäman. El Volapükagased pro Nedänapükans äbinon periodagased soelik ettimik, ed ävedom redakan ona jü 1962, ün yel kelik dabük ifinükon. Äbinom flen gudik elas Johann Schmidt ed Arie de Jong. Pö deadam cifala Johann Schmidt, el Krüger ävedom cifal ün yel 1977. Äbinom cifal jü yel 1983. Ävobom mödiko, ab nenplöpo, ad dakipön mufi as pük e noganükam lifiks. Äsä ya ereidobs, Volapük isufom dämis mödik sekü bolit Deutänik. Ab anu, pos volakrigs, dins no äbinons äs büo. Ün yels balid Volapüka, mens no älabons televidi e tävi nejerik lü finots tala ad debätön okis; mens ettimik äjäfikons me stud, me reid, me duins. Ab anu, ün tim kovenikum, nited tefü püks bevünetik päfibükon. Cifalam ela Krüger päkaladon fa nepub kadäma e noganükama büik mufa; anu te bomem äreton.

To jäfäds laidik oma tefü püks votik, pato tefü tidam frisida, e to maläd dü degtelat lätik lifayelas omik, äpenom vödalisedis mödik vödas nulädik, büo no dabinölas in Volapük, äsi tidodemis anik. Ädeidom ün yel 1992 tö Amsterdam (Nedän).

Lautots[redakönredakön fonäti]

  • 1950. Kortfattad Volapük-grammatik. Amsterdam: Societas Polyglottical Universalis.
  • 1950. Compedio del Volapük. Gams: Sprenger 1950.
  • 1950. English-Volapük. List of 3000 most frequent words. First thousand. Gams: Sprenger 1950.

Literat[redakönredakön fonäti]