Frederik Willem van Eeden (planavan)
| |
|---|---|
| Moted: | 26 tobul 1829 Haarlem |
| Deadam: | 4 mayul 1901 Haarlem |
| Cal(s): | hiplanavan[*] |
| Tatät(s): | Regän Nedäna[*] |
| Cil(s): | Frederik van Eeden |
Hiel Frederik Willem van Eeden (1829 tobul 26 in Haarlem - 1901 mayul 4 leigo in Haarlem) äbinom planavan Nedänik.
Pämotom in Haarlem, kö äbinom sekretan-kädan valemik ela Nederlandsche Maatschappij ter Bevordering van Nijverheid (Klub Nedänik pro Födam Dustoda) ed ävedom dilekan ela Museum voor Kunstnijverheid (Mused Lekanadustoda). De 1871 jü deadam okik äbinom i dilekan ela Koloniaal Museum (Mused Kolunänik, kel poso ävedon el Koninklijk Instituut voor de Tropen: Stitod Regik pro Vütropän), pro kela jafam iprimom ad vobön ya ün 1864.
Äpenom yegedis e keblünotis mödik pro jäfüdagaseds äs els Nederlandsch Kruidkundig Archief (Ragivem Kebavik Nedänik), Tijdschrift der Nederlandsche Maatschappij van Nijverheid (Gased Dustodakluba Nedänik), ed i kaled valemik ela Maatschappij tot Nut van 't Algemeen (Klub pro Frut Valemik).
Äpübom i lautotis: De Duinen en Bosschen van Kennemerland (Groningen, 1866); Hortus Batavus (Amsterdam, 1868); De Botanie van het dagelijksch leven (Purmerend, 1870). Ün 1877 äfinom dili 15id ä lätiki ela Flora Batava, ün 1800 iprimöla. Poso äfinom i elis Koloniën op de internat. Tentoonstelling te Amsterdam (Haarlem, 1884), Onkruid. Botanische Wandelingen (toums 2, Haarlem, 1886) e Noordelicht. Bezoek aan Scandinavië (Haarlem, 1888).
Äbinom fat lautana famik: Frederik van Eeden.