Suchomimus
| iSuchomimus
Timäd fösilik: prim Kretata
| ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Suchomimus tenerensis
| ||||||||||||||||||
|
Edadeadöl (fösil)
| ||||||||||||||||||
| Dadiläd nolavik | ||||||||||||||||||
| ||||||||||||||||||
| Suchomimus tenerensis Sereno et. al, 1998 |
Elaf Suchomimus („sümädan krokoda“) äbinon dinosaur gretik famüla Spinosauridae labü mud krokodöfik, kel älifon bü yels 110-120-balions, dü zänoda-Kretat, in Frikop.
Patöfs e liföp
[redakön • redakön fonäti]Distü pluamanum elas Theropoda gianagretik, el Suchomimus älabon snudi lunik ä rovik e maxülis rovik labü tuts za 100, no vemo japiks e bosilo päklienöl pödio. Tipot snuda äbinon boso gretikum ed äpolon tutis lunikum. Nim tikodükon dö krokods e röletafs onsik, kels fidons ledino fitis (a.s. el gharial nulädik: krokodabid gretik se Lindän).
El Suchomimus älabon i stäänükami virebas onsik pö göb, kel ba ästüton skinasaili u sömikosi, äsä kanoy logön, ma maf gretikum, pö elaf Spinosaurus. Studots kuratik ejonons, das fösil ela Suchomimus äduton lü yunaf lunotü mets 11; fösilavans kredons, das daülafs äkanons rivön lunoti ot, kas elaf Tyrannosaurus (mets za 12). Magäd valemik binon ut nima gretik ä nämik, kel äfidon fitis e miti bü yels plu 100-balions, ven däsärt: Sahara äbinon nog maräd.
Dadiläd
[redakön • redakön fonäti]El Suchomimus pepladon vü els Spinosauridae: famül dinosauras yagöl. Pläamü bäkaseglofot, patöfs onik sümons vemo ad uts elafa Baryonyx, kel älabon i föfalimis nämik e krali blegik gretik su „döm“ okik. Zuo, soäs el Baryonyx, kral äbinon dil fösilik balid, kel ägeton küpäli fösilavanas. El Suchomimus äbinon gretikum ka el Baryonyx, ab fösilavans anik emobons, das el Baryonyx ba äbinon fom yunik ela Suchomimus.
Tüv
[redakön • redakön fonäti]Pos tüv bida nulik elafa Carcharodontosaurus ed elafa Sarcosuchus, fösilavan nivera di Chicago: Paul Sereno, kobü kvip okik, ätüvom ün 1997 fösilis (kildils ti tel bömema lölöfik) mitifidafa gretik nilü däsärt Tenere (in topäd di Sahara, in Nolüda-Frikop). Mitifidaf at pänemon as Suchomimus sekü fom kapa onik.
Yüms plödik
[redakön • redakön fonäti]- Däsinot ela Suchomimus fa hiel M. Shiraishi, se bevüresodatopäd: Jurassic Gallery (däsinot votik fa lautan ot).
- Elaf Suchomimus in bevüresodatopäd: The Dinosauricon hiela Mike Keesey (däsinots fa lekanans difik).
- Hiel Paul Sereno - Proyeg Letäv: nüns dö el Suchomimus, in bevüresodatopäd: Proyeg Letäv.
- Fotografots bomema ela Suchomimus in Frikop, se bevüresodatopäd: Proyeg Letäv.
