Utatsusaurus
| iUtatsusaurus
Timäd fösilik: zänoda-Triat
| ||||||||||||
|---|---|---|---|---|---|---|---|---|---|---|---|---|
 Magod elafa Utatsusaurus hataii.
| ||||||||||||
|
Edadeadöl (fösil)
| ||||||||||||
| Dadiläd nolavik | ||||||||||||
| ||||||||||||
| Utatsusaurus hataii Shikama, Kamei & Murata, 1978 |
Elaf Utatsusaurus äbinon limaf balid ä primöfikün jünu sevädik grupa: Ichthyopterygia (grup melaräptulas, kels keninükon liktiosauris): älifons ün zänoda-Triat (Scythian). Distü liktiosaurs ävolfölum, el Utatsusaurus älabon krani vidik (kel pianiko äslenikon jü snud) e no älabon bäkafäini. Tuts äbinons smaliks pro krän onik, ed ätopons su gruf primöfik. El Utatsusaurus älabon fäinis smalik labü teans fol pläamü teans kösömik lul, kels nomiko patuvons pö liktiosaurs primöfik. Göb älabon fäini lunik lövik, kelos tiködükon, das nim at äsvimon medü koapamufs sneköfik, no yufü fäins e göb. Äfidölo bo te fitis, el Utatsusaurus äkanon rivön lunoti metas 3.
Ün 1998, hiel Ryosuke Motani se Niver di California in Berkeley, e hiel Nachio Minoura se Niver di Hokkaido (Yapän) dönu ävestigoms fösilis ela Utatsusaurus, ägebölo nünömasümädamis ad dönunätükön bomemis rigiko pimifomöl. Äkludoms, das el Utatsusaurus äbinon röletaf nilöfik räptulas lasärafomik äs elaf Petrolacosaurus, kelos sinifon, das els Ichthyopterygia äbinons röletafs fägöfik lasäras e snekas. Studot at dotükon teorodi büik, ma kel els Ichthyopterygia ävolfons de mafibs äsvimöl, e kluo äfomons räptulagrupi nesekidik.
Literat
[redakön • redakön fonäti]Dixon, Dougal. 2006. The Complete Book of Dinosaurs. Hermes House.