Vükiped:Yeged adelo pevälöl/07/05

Elaf Eurhinosaurus („lasär labü nud gudik“) binon melaräptul edadeadöl lü rood: Ichthyosauria ädütöl. Älabon lunoti mö mets 2. El Eurhinosaurus älogoton as liktiosaur zänedik, labü koap fitafomik (keninükamü bäkafäin e göbafäin) e logs gretik. Älabon ye pati bal, kel ädistükon oni de liktiosaurs votik: löpamaxül onik äbinon telna lunikün, ka donamaxül onik, ed älabon bofaflano mödoti gretik „tutas“, sümikis ad uts saovafita nutimik. Maxül at pägebon ba ad sukön planis u nenvirebafis smalik su melalestab (a. s., pämüfölo flanio ta glun, äsä dunon saovafit), u ba ad pasteigön mekädo ini nims fa on peyagöls ad deidön onis, äsä dunon glävafit. Binos nitedik, das el genus bal elafas Cetacea: elaf Eurhinodelphis, leigo älabon „glävi“ somik.