Vükiped:Yeged adelo pevälöl/09/25

Däsinot elafa ,Fukuiraptor kitadaniensis’.

Elaf Fukuiraptor äbinom mitifidaf zänoda-gretik prima perioda: Kretat, kel älifon uto, kö anu binon Yapän. Fösilavans ätikons primo, das äbinon limaf grupa: Dromaeosauridae, ab pos stud fösilas kredons nu, das äbinon röletaf elafa Allosaurus. Pated binon bomem individa lunotü mets za 4,2. Lecedoy, das no äbinon daülik; daülafs bida at ba äbinons gretikums. Bomems votik se tuvöp ot äbinons ye yunafs nog smalikum ka pated (Currie ed Azuma 2006); smalikünaf älabon foldili lunota pateda.

Bid at äkodon kofudi anik pö tüv onik bi namakral onik päpölacedon as futakral elafa Dromaeosaurus. Nu palecedon as limaf primöfik grupa ela Allosaurus, ba sümik ad (ud otaf äs) bid Laustralänik ela Allosaurus. (Yeged lölik...)