Novial

Novial Novial
Pükafamül:	yufapük bevünetik[*]
Datuvan:	Otto Jespersen[*]
Pejaföl ün:	1928
Penädasitot:	Lafab latinik[*]
ISO 639-3:	nov

El ,Novial’ (pedefomöl de ,nov-’ <nulik> e ,IAL’ <yufapük bevünetik>) binon pük mekavik, pedatiköl fa pükavan Danänik hiel ,Otto Jespersen’ ün 1928. El ,Jespersen’ (1860-1943) äbinom pükavan Danänik, kel büikumo ikompenom pö dafomom ela ,Ido’, ab äneplidom kaladi mekavik e vilädiki sperantapüka ed ela ,Ido’; ästeifom ad pük fasilik e benotonik, kel dakipon binodis natapükas. Vödastok ela ,Novial’ pestabon ledino su püks germik e romenik, ab gramat onik peflunon vemo fa Linglänapük.

Püb balidnaedik ela ,Novial’ äbinon ün yel 1928 in buk ela ,Jespersen’ tiädü ,An International Language’. Ün 1930, pos nüdugam vötukamas ömik, el ,Jespersen’ äpübom vödabuki tiädü ,Novial Lexike’. Ämobom vötukams mödikum dü degyel fovik, ab pos deadam ela ,Jespersen’ ün yel 1943 dajäf demü el ,Novial’ päfinükon.

Do el ,Novial’ nutimo no binon so pöpätik äs sperantapük e.r., ünü degyel 1990-2000 el ,Novial’ ädageton dönu slopanis ömik danädü vüresod. Päpübons revids ela ,Novial’, as sam el ,Novial '98 ’. Ün 2006 pefünon Vükiped novialapükik.

Yüms plödik

• An International Language: Buk hiela Otto Jespersen, kel änüdugon eli Novial ün 1928.
• Novial Lexike: Vödabuk Novial-Linglänapük, Fransänapük e Deutänapük.
• Vükiped novialapükik.